طمنو ستي ام عطا ان القضية
من زمان المندوب وهى زى ما هيه
لسه بنفاصل القناصل عليها
مثل ما بتفاصلى مع الغجرية
لكن اطمنى وصلنا معاهم
بين سته وسته ونص بالميه
بطلع الهم يا ستى حيفا ويافا
والنا خرفيش وسيسعه بريه
والنا دوله بيحرسها طير السنونو
ويا ام عطا ولبسوا رتبه عسكريه
والسنونـو إله نمو اقتصـادي
والسنونـو إلـه خطط أمنـيه
والسنونـو عم ينبذ العنف ويعلن
إلتزامـه الكـامل بالاتفــاقيه
ولنا برضه يا سـتي سجـادة حمرا
ت السنونـو يأدي عليها التحـيه
والنـا قمة يدعـو إليها السنـونو
يعقدوها في الجامـعة العربيـه
حيـوا برج الحمام وحيوا حمامه
من ملوك المحبـة والأخــويه
يا حمـام البـروج ويا مواليـنا
يا دوا الجـرح ويا شـفا البرديه
ياشـداد الخطـر على أعـادينا
وحبكو إلنا حب قيـس للعامريه
راح أقول اللي قالوا طوقان قبلي
أخو فدوى وبن الأصول
الزكيه
في يـدينـا بقيـه من بـلادٍ
فاستريحوا كيلا تضيــع البقيه
ليست هناك تعليقات:
إرسال تعليق