يا زيف وقيدك مبلول... ألعب غيرها

القذافى الصغير مش بس قاتل ومطلوب للعدالة محليا ودوليا، فهو أهبل وعبيط يبذل كل ما فى وسعه بالفتنة وبطريقة فجة وسخيفة، على امل ان ينقسم الثوار فيما بيناتهم من جهة والثوار ودول التحالف من جهة اخرى وتشيل هالدول ايدها من مسرح العمليات بيش يبقى هو وعائلته على قلوبنا.

شن هالكلام الفارغ اللى يقول فيه يحساب الليبيين الاحرار والدول اللى امنت بقضيتهم واعترفت بشرعية مجلسهم الوطنى يمصوا فى صوابعهم ويقدر إيمَشِّى عليهم الكراطون. هاظوم وهاظوم ناس عقولها مَوْزُونة .

العيل هظا قاعد يستفز فيها كلها ويهين فى عقولنا كل يوم.
نريد نقول لهالجاهل ومن على شاكلته، نحنا مش متمردين نحنا ثووووووار وبحق. أنت وبوك المتمردين على السلطة الشرعية. ونقولولك درق وجهك يا مصيبة وخليك فى حفرتك قْريب من بوك كيجرذان  نين يجوك تريس طرابلس ومعاهم خوتهم يطلعوكم وتاخذوا سبيزتكم.